O venres 5 de abril a poesía chegou ao noso centro da man do poeta Raúl Vacas. Os alumnos puideron disfrutar primeiro dunha charla poética e logo dun taller de creación literaria onde comprobaron de primeira man que todo o que queiran expresar cabe dentro dun poema.
Pola estupenda resposta dos nosos rapaces agardan moitas máis primaveras líricas...
A nosa Aula Mediambiental continúa co seu traballo. Logo dos refuxios para os paxaros e os insectos, comezaron cun proxecto interdisciplinar, creando simetrías na natureza (land art).
Todos os materiais foron recollidos no noso contorno, sen arrincar nunca nada, fomentando o coidado pola paisaxe.
Aquí vos deixamos unha pequena galería fotográfica dalgúns dos traballos, pero o mellor é que pasedes a velos.
O venres 29 de marzo o alumnado do bacharelato de artes puido coñecer a fondo a Escola de Arte e Superior de Deseño de Ourense "Antonio Failde".
Estiveron toda a xornada realizando diversas actividades relacionadas cos estudos que alí se imparten.
- Deseño de interiores
- Ebanistería
- Ilustración
- Fotografía
- Deseño gráfico
A escola está situada no recinto da Universidade Laboral e ofrece unha boa alternativa para continuar estudos unha vez rematado o bacharelato
O grupo medioambiental do noso IES, dirixido pola profesora de filosofía Milagros Alonso está moi activo este curso escolar. Iniciaron as súas actividades cun percorrido polo bosque e xardíns interiores colocando un "hotel de insectos", no patio de Valdeorras.
Posteriormente colocaron moitas casiñas para paxaros elaboradas no taller de volume. No Patio da Loba quedou amadriñada a casiña da loba e outras máis no Patio das Promocións, todas elas baixo a vixilancia dos padriños e madriñas, o noso alumnado, que apartires de agora se responsabilizan delas e fan un seguemento proporcionando os coidados necesarios.
Contaron tamén coa inestimable axuda do antigo orientador do IES, Juanjo, quen lles falou sobre o noso contorno e as necesidades das árbores, bosques e os seus habitantes
Dentro da programación do Club de Lectura Universidade Laboral para Adultos está prevista unha viaxe para o 17 e 18 de maio por Urueña, Toro, Valladolid e Palencia.
Os que estean interesados en participar poden poñerse en contacto con Alex ou con José María canto antes.
A nosa profesora de historia, Rosa María Cid Galante acaba de recibir o premio "Clara Campoamor", polo seu traballo como investigadora no ámbito de xénero e a educación; así como a súa implicación na recuperación da memoria de mulleres destacadas, como reflicte no seu blog Historia das nosas mulleres ourensás.
Noraboa Rosa, eres un exemplo para todos nós.
Os alumnos/as de francés tiveron unha viaxe que recordarán durante moito tempo.
Polas noticias que nos foron chegando sabemos que o primeiro día tiveron bastante tempo para coñecer Burdeos, e logo xa en París pasaron pola Torre Eiffel, por diferentes museos coma o Louvre, o de Orsay ou o Pompidou; polos barrios de Montmartre e o Latino (aquí posan ao pé da Basílica do Sagrado Corazón).
A fin de semana tocou Eurodísney, a ópera, a catedral, e moitos máis lugares. O mellor é que o vexades vos mesmos na Galería de fotos
Xa temos o albúm fotográfico da viaxe. Pincha neste enlace
O alumnado do club de lectura tivo unha fantástica viaxe: moi bo tempo, e visitas a lugares fóra dos circuítos turísticos habituais.
O primeiro día, antes de chegar a Cuenca visitaron o Parque Arqueolóxico de Segóbriga (na foto) e aprender algo máis do paso dos Romanos pola Meseta.
Unha vez na cidade tiveron tempo de ver as Casas Colgadas, a Cidade Encantada de Cuenca e a súa serranía.
No segundo día chegaron a Valencia, onde pasearon polo Barrio Gótico, visitaron o Museo das Artes e das Ciencias e finalizaron cun paseo en barca polo Parque Natural da Albufera para disfrutar do solpor.
O último día deron unha volta en tranvía para chegar á praia da Malvarrosa e despedir esta viaxe para o recordo.
O curso que ven o club seguro que buscará outro fantástico destino coma sempre.
Un ano máis celebráronse as Tertulias Literarias en castelán organizadas pola Concellería de Educación. Neste ano a obra escollida foi Mejor la ausencia de Edurne Portela. Os 25 alumnos que asistiron da Laboral protagonizaron magníficas intervencións e gardarán con cariño os exemplares asinados pola autora.
Na foto, varios alumnos/as posan coa autora.
O venres 22 de febreiro preto de 60 alumnos de segundo de Bacharelato desfrutaron no Auditorio de Ourense da obra O empapelado amarelo, interpretada por Melania Cruz e dirixida por Tito Asorey.
Esta fin de semana celebrouse o campionato galego xuvenil de atletismo en pista cuberta. Estiveron presentes algúns atletas da Universidade Laboral formados polo noso antigo profesor de educación física, Germán González, quen desde a súa escola deportiva Ben Cho Shey de Pereiro de Aguiar formou e segue a formar atletas do noso IES. Trátase dunha competición moi esixente porque reune aos mellores atletas da nosa Comunidade, e á que se accede previa marca acreditada ao longo da tempada.
O resultado máis destacado foi o de Aldara Sandín Fernández de 1º Bacharelato C, que na final de 60 metros valos acadaba a cuarta praza, moi cerca das medallas. Tamén participou en e triple salto; o ano pasado fixérase coa medalla de prata, pero este ano o nivel foi moi alto, con grandes marcas. Así e todo estivo tamén saltando a final acadando a oitaba praza.
Alba Vila Gómez de 1º Bacharelato C quedou décima en lanzamento de peso.
Alexandre González Coello de 1º Bacharelato A, participaba por primeira vez nunha final galega de atletismo, correu a final B de 800 metros lisos, acadando o posto número 15 na xeral.
O seguro escolar pode dar dereito a:
- Unha prestación sanitaria en caso de accidente escolar
- Unha prestación económica en determinados casos. Máis información
Quén debe aboar a cota do Seguro Escolar?
- Todo o alumnado menor de 28 anos que se matricule en 3º ou 4º de ESO, Bacharelato, Formación Profesional ou FP Básica.
Cándo hai que aboar a cota do Seguro Escolar?
- No momento de formalizar a matrícula
Cánto hai que aboar?
- 1,12 €
Protocolo de actuación en caso de accidente escolar
Alumnado de 1º ou 2º de ESO
Sen cobertura polo Seguro Escolar
Comunicar o feito ao/á profesor/a, ao xefe de estudos e na secretaría.
O feito poráse en coñecemento dos pais.
No caso de que fose preciso, avisaranse aos servizos de urxencias 112.
Un/unha profesor/a (preferiblemente dos/as que estean de garda) acompañará ao/á alumno/a ata o momento que cheguen os pais.
-
O alumnado con prestación da Seguridade Social, recibirá asistencia sanitaria no Centro de Saúde da Cuña ou no Complexo Hospitalario Universitario de Ourense (CHUO). No caso de que os pais dean chegado a tempo poden eles levalo ao seu centro de saúde habitual.
-
O alumnado con seguro privado, recibirá asistencia no centro que lle corresponda.
A prestación será cuberta coa tarxeta sanitaria do/a alumno/a.
O alumnado con prestación da Seguridade Social, cando reciban no seu domicilio o Modelo de Prefacturación, deberano entregar na secretaría do IES para a súa posterior tramitación.
Alumnado de 3º ou 4º de ESO, Bacharelato, Formación Profesional ou FPB (menores de 28 anos)
Con cobertura polo Seguro Escolar
Comunicar o feito ao/á profesor/a, ao xefe de estudos e na secretaría.
O feito porase en coñecemento dos pais ou familiares.
No caso de que fose preciso, avisarase ao servizo de urxencias 112.
Un/unha profesor/a (preferiblemente dos/as que estean de garda) acompañará ao/á alumno/a ata o momento que cheguen os pais ou familiares.
- A sistencia sanitaria recibirase no Centro de Saúde da Cuña ou no Complexo Hospitalario Universitario de Ourense (CHUO). Tamén se poderá acudir ao Centro Médico El Carmen.
Unha vez recibida a asistencia sanitaria, deberán achegar á secretaría do IES o parte de asistencia médica.
A prestación será cuberta polo Seguro Escolar.
No caso de recibir no seu domicilio a comunicación de Prefacturación, deberano entregar na secretaría do IES para a súa posterior tramitación.
Para calquera outro accidente que non tivese lugar no centro ou realizando actividades promovidas polo mesmo, non será necesario realizar todos estes trámites, polo que, simplemente, deberían acudir a un centro sanitario coa súa correspondente
O Departamento de Xeografía e Historia xunto co alumnado de 2º ESO está nestes días a realizar unha magnífica exposición sobre a historia e evolución da cidade de Ourense.
Componse de oito paneis nos que se vai explicando o emprazamento e orixe da cidade así como o seu trazado morfolóxico. Así mesmo, nuns paneis detállanse algúns dos seus monumentos e edificios emblemáticos (Catedral, Concello, Liceo, Teatro Principal, a Torre, a Universidade Labora...etc); noutro a historia das pontes (Ponte Vella, Ponte Nova e Ponte do Milenio); noutro as prazas e xardíns (Posío, Praza do Ferro, Praza Maior, Parque de San Lázaro...); noutro o nome das rúas que levan o nome de escritores e escritoras galegos e ourensás; e finalmente, se fan comparativas de fotos antigas de Ourense co seu aspecto actual.
O xoves 31 de xaneiro, o alumnado de 3º e 4º de ESO, e 1º de bacharelato que cursan a materia de francés, puideron desfrutar dunha saída cultural ao teatro para ver a representación da obra "O enfermo imaxinario". Iso si, en versión orixinal.
A actividade foi organizada dende o Concello de Ourense.
A nosa alumna de bacharelato e "Youtubeira" Eira Losada, que o ano pasado gañara o concurso "Youtubeir@s" (Enlace á noticia), e tamén o "Reto lector" da Editorial Galaxia (Enlace á noticia); explícanos nunha gala celebrada na Sala Capitol de Santiago de Compostela como se converteu nun verdadeiro "Motor da lingua".
Un exemplo para todos/as nós.
Os alumnos de 2º de bacharelato marchan dous días a Madrid, nunha viaxe que vai quedar institucionalizada para os vindeiros anos.
Pretendemos que sexa unha viaxe cultural con oferta formativa para os tres bacharelatos.
- O xoves 13 de decembro chegarán a Alcobendas para visitar o Museo Nacional de Ciencia e Tecnoloxía. Tamén terán tempo de asistir a unha representación teatral preto do barrio de Chueca onde estarán aloxados.
- O venres 14 un grupo visitará a Casa Museo de Lope de Vega, e outro o Museo do Prado. Ese mesmo día todos visitarán o Museo Reina Sofía.
Esperamos que o pasedes moi ben e aproveitedes ao máximo a viaxe
Para conmemorar o "Día internacional da discapacidade", os alumnos de 2º de ESO e 2º de Formación profesional básica acudiron o martes 4 de decembro, ao Centro municipal de artes escénicas, para asistir á representación teatral "O inspector" do grupo "Muxicas teatro", no que os actores son persoas invidentes.
Ao final da representación os nosos alumnos puideron manter unha charla con todos os actores, para preguntarlles diversos aspectos do seu traballo.
Este último mes de novembro tivemos varias exposicións na entrada o instituto. A principios de mes conmmemorouse a "semana da ciencia", e puidemos disfrutar de información, fotografías, maquetas e obxectos en xeral relacionados coas ciencias.
Na última semana os departamentos de filosofía e matemáticas organizaron unha exposición sobre ilusións ópticas, na que puidemos poñer a proba os nosos sentidos (que polo que puidemos comprobar, case sempre nos enganan).
No mes de decembro tivemos que retirar todo porque hai que dar espazo ao mercadiño solidario que o departamento de filosofía tradicionalmente pon en marcha nestas datas.
A Consellería de Educación e Ordenación Universitaria puxo en marcha hai moitos anos, o programa de Alerta Escolar en colaboración coa Fundación 061, que ten como obxectivo a atención inmediata e eficiente do alumnado que presente unha patoloxía crónica e pode desenvolver en calquera momento unha crise.
Este programa posibilitará a súa asistencia e que o profesorado teña cobertura de persoal médico que conte con coñecementos dos nenos e nenas con esta problemática.
¿Qué deben facer as familias que se atopen neste caso?
- Descargar o formulario e entregalo asinado no IES
- Acompañar á solicitude os informes médicos da patoloxía do alumno/a, incluíndo nel a medicación que sexa necesaria administrar no caso de crises agudas.
Temos 22 anónimos e ningún membro en liña
 |
|---|
|
|
 |
 |