A Federación Galega de Hockei foi nomeada pola Real Federación Española de Hockey para a organización da Fase Final do Campionato de España de Seleccións Autonómicas Sub 14 masculino e Feminino, a celebrar os días 26, 27 y 28 de febreiro de 2021 no campo da Universidade Laboral.
A Universidade Laboral e o Centro Residencial Docente van colaborar na organización do evento.
O venres 26 xa hai partidos pola mañá polo que os usuarios do recinto escolar, no recreo, poderedes observar como é esta práctica deportiva. O sábado e domingo recordade que non se pode acceder ao recinto xa que este permanecerá pechado, e ademais tratarse dunha competición sen público.
Alí estarán tamén as nosas seleccións masculina e especialmente a feminina (actual campiona de España) que vai tentar defender o título acadado o ano pasado en Andalucía.
Os patidos serán televisados por youtube. Enlace:
https://www.youtube.com/channel/UCNLfbFrJqddVYithUjsjS8A?reload=9
Noticias sobre este tema:
ESO
1º de ESO: 5
2º de ESO: 0
3º de ESO: 2
4º de ESO: 5
Bacharelato
1º de Bacharelato de Ciencias: 3
1º de Bacharelato de Artes: 36
1º de Bacharelato de Humanidades e C. Sociais: 5
2º de Bacharelato de Ciencias e Tecnoloxía: 0
2º de Bacharelato de Artes: 9
2º de Bacharelato de Humanidades e C. Sociais: 7
O IES Universidade Laboral de Ourense ven de firmar este pasado 3 de febreiro un convenio de colaboración coa empresa Sistemista e Instaladora Teula Sistemas S.L. mediante o cal o Ciclo de Mantemento de Instalacións Térmicas e de Fluídos recibirá a cesión de equipos de calefacción e ACS para o seu estudo e análise co fin de mellorar os coñecementos do alumnado sobre equipos existentes no mercado relativos á xeración de calor e instalacións térmicas. A empresa Teula Sistemas S.L. representada por un dos seus xerentes Pablo Docampo, fixo unha visita ás instalacións do IES Universidade Laboral e mostrouse moi satisfeito con dita colaboración e a posibilidade de aportar valor no desenrolo didáctico neste curso 2020-2021.
O IES Universidade Laboral e o Centro Residencial Docente compartimos edificio desde hai moitos anos. Nos dous centros existían desde o ano 1992 multitude de rampas que facilitaban o acceso a varias zonas dos dous edificios, pero seguían existindo moitos obstáculos insalvables e zonas de imposible acceso para unha persoa de movilidade reducida.
As obras necesarias para humanizar os nosos centros eran ambiciosas. Comezamos con elas dun xeito coordinado hai xa case un ano. O Centro Residencial instalou un ascensor e un elevador, e pola súa parte o IES instalou un elevador, duas rampas en zonas nas que existían escaleiras e construíronse dous aseos para minusválidos.
Con todo isto quedan os dous centros unidos sen barreiras arquitectónicas e listos para que calquera persoa con movilidade reducida poda residir no Centro Residencial e cursar ESO ou calquera dos Bacharelatos (incluído o de Artes) no noso IES.
Un logro que levábamos anos tentando conseguir.
Na imaxe podemos ver o elevador acristalado situado na zona do salón de actos.
Están convocadas as probas de acceso a Formación Profesional. Tanto ciclos medios coma superiores.
As datas que máis debedes ter máis en conta son as seguintes:
Inscrición para á proba:
Grao superior: 18 de febreiro ao 3 de marzo
Grao medio: 15 ao 26 de marzo
Prazo de solicitude ordinaria: do 22 de febreiro ao 8 de marzo de 2021.
Prazo de solicitude extraordinaria: do 22 de xuño ao 5 de xullo de 2020.
As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia. Opcionalmente, poderanse presentar as solicitudes presencialmente en calquera dos lugares e rexistros establecidos na normativa reguladora do procedemento administrativo común. Xunto coa solicitude deberase presentar xustificante para a Administración do impreso correspondente de autoliquidación de taxas, validado pola entidade bancaria onde se realice o ingreso
O Ciclo Medio de Carrozaría leva implantado no noso centro hai xa moitos anos, e con moito éxito; debido a que ten un elevado grao de empleabilidade. Os alumnos e as alumnas que o rematan atopan traballo moi pronto.
Contaba desde os seus inicios cun espazo de taller propio, pero nunca dispuxo dunha aula propia. Os alumnos deste ciclo sempre tiñan que compartir aula con outros ciclos o que sempre lles creou certa incomodidade.
No mes de novembro pasado iniciouse a construcción da nova aula de carrozaría. As obras foron a bo ritmo e xa está en uso desde a volta de vacacións no mes de xaneiro.
Trátase dunha instalación moderna e con sistema de ventilación propia.
Informe da Dirección:
Chegamos á metade de curso e queremos informar a toda a comunidade educativa que os casos positivos de covid19 recollidos no noso centro dede comezos de curso foron casos nos que os contaxios se produciron fóra del, e os afectados sempre regresaron ao centro unha vez recuperados da enfermidade. Seguimos sen ter coñecemento de ningún caso de contaxio dentro do propio IES.
Levamos desde o día 1 de febreiro sen ter coñecemento de ningún alumno/a positivo, polo que semella que a situación vaise normalizando pouco a pouco e as clases estanse impartindo con normalidade.
As medidas hixiénicas e organizativas adoptadas por mor da pandemia que estamos a sufrir semellan polo momento ser eficaces:
- Ventilación continua durante toda a mañá
- Uso da máscara en todo momento
- Separación do alumnado en tres zonas diferentes
- Lavado de mans obrigatorio dúas veces pola mañá
- Desinfección diaria e dispensadores de hidroxel en tódalas aulas
- Distancia social e liñas de dirección dentro do edificio
- Prohibición de abandonar o recinto nos recreos e limitación das visitas ao IES
Seguimos en tódolos casos as instrucción que nos van chegando de sanidade.
Pregamos ás familias e alumnado que sigan mantendo as medidas hixiénicas recomendadas polas autoridades sanitarias para continuar nesta liña.
RESERVA DE PRAZA CURSO 2021 / 22
Quen pode reservar praza?
O alumnado dos centros adscritos á Universidade Laboral: CEIP de Mariñamansa, CEIP de Seixalvo, CPR San Pío X, CEIP Amadeo Barroso que teña previsto matricularse no noso IES o vindeiro curso 2021/22 en 1º de ESO.
| O alumnado que non sexa de centros adscritos e pretenda cursar estudos neste centro deberá acollerse ao disposto no proceso de admisión que se publicará máis adiante |
Prazos
Do 11 de xaneiro ó 8 de febreiro de 2021, ambos incluídos.
Documentación
Documentación que debe entregarse no centro onde cursa estudos actualmente:
- Anexo I atallo
- Só no caso de non autorizar a consulta de datos, achegarase fotocopia do DNI (de non posuír DNI deberase aportar copia da páxina do libro de familia onde figura o/a alumno/a).
No suposto de que exista máis demanda que oferta de postos escolares comunicaráselles aos intersados e publicarase no taboleiro de anuncios do centro e nesta páxina web, debendo presentar a solicitude de admisión e a documentación xustificativa para a aplicación do baremo (Artigo 12).
No caso de que non teñan ningunha comunicación ao longo do mes de febreiro entenderase que ten reservada a praza para o vindeiro curso.
A reserva adquirirá carácter vinculante e será incompatible coa presentación de solicitude noutro centro, salvo renuncia expresa e por escrito presentada no centro antes do inicio do prazo de presentación de solicitudes de admisión.
A listaxe definitiva de solicitudes de centros adscritos publicarase no taboleiro de anuncios de cada centro adscrito.
Criterios e procedemento de distribución de máscaras entre o alumnado.
Alumnado: Todos os cursos de ESO.
Alumnado que pode solicitar a axuda:
1. Alumnado beneficiario da axuda para adquirir material escolar
2. Alumnado que non fose beneficiario da axuda para adquirir material escolar por diferentes circunstancias, pero:
a) Pertenza a familias cunha renda per cápita, no ano 2018, igual ou inferior a 6.000 €.
b) Estea suxeito a tutela ou garda da Xunta de Galicia.
Presentación de solicitudes: Os beneficiarios do cheque de material non terán que facer nada. Os que estean na situación do punto 2 do apartado anterior deberán cubrir os Anexos I e II e entregalos na secretaría do centro.
Anexos I e II : Na seguinte ligazón pode descargar o impreso para cubrir a solicitude. Tamén se pode recoller no centro.
Prazo: dende o 16 de novembro ata o 27 de novembro 2020.
Normativa: Orde do 6 de novembro de 2020 (DOG do 13 de novembro)
En datas recentes o Conselleiro de educación presentou o "Plan de ensino virtual ante a Covid-19". Este plan impón aos centros escolares a elaboración duns novos horarios que serán os que se seguerán no caso de que chegue a confinarse un aula completa, un grupo de aulas ou todo un centro educativo.
Eses horarios chamados "horarios espello" seguen o mesmo marco horario que os que temos habitualmente no IES coa diferenza de que o 60% do tempo vai consistir nunha videoconferencia do profesor/a, e o 40% restante será traballo proposto na aula virtual.
Neses casos o profesorado pasará lista como o ven facendo normalmente no IES, e as ausencias apuntaranse no sistema Abalar.
Eses horarios pódense consultar no menú da dereita "horarios de ensino a distancia"
Afortunadamente non tódalas actividades extraescolares quedaron suspendidas no nosos IES. Permanecen aquelas que se poden realizar ao aire libre, nas que poidamos manter a distancia de seguridade e que ademaís se podan visitar a pé.
Así pois o noso alumnado da optativa de 1º de ESO de Sustentabilidade e Paisaxe, visitou a exposiciòn fotografica XÉNESE, de Sebastiaõ Salgado. Unha mañá na que puideron viaxar a lonxanas e maravillosas paisaxes da Terra, e comprender a necesidade de preservalas. Foto tras foto cada un elixiu as súas favoritas, anotando no seu caderno de campo as impresiòns experimentadas. Completamos a xornada nos Xardíns do Posío, con parada para o bocadillo e a froita, e aproveitando cada momento para observar as aves e a diversidade de árbores que nos rodean.
Unha mañá de camiñatas e chea de experiencias compartidas.
Temos 15 anónimos e ningún membro en liña
 |
|---|
|
|
 |
 |