Alumnos de Formación Profesional de Automoción e de Carrozaría asistiron a unha demostración de reparación de lunas nos talleres da Universidade Laboral.
Eles mesmos poideron facer prácticas xusto despois da presentación.
O 10 de novembro pasado a "Fundación Secretariado Xitano" organizou a primeira reunión de estudantes xitanos, no cento cultural Marcos Valcarcel. Este acto tiña a finalidde de animalos a que non renuncien á súa formación poñendo como exemplo algúns casos destacados.
Sentímonos moi orgullosos que dos tres estudantes elixidos para servir de exemplo, precisamente dúas son alumnas da Laboral, as cales xa están a punto de rematar a súa formación aquí despois de tantos anos.
A primeira delas é, como non, a vosa representante no Consello escolar, Érika Dos Anjos Dos Anjos. Érika leva xa 8 anos na Laboral, e durante ese tempo foi alumna destacada na ESO e no Bacharelato de Ciencias; unha das lectoras máis activas do club de lectura, delegada de curso e compoñente do Consello Escolar, recoñecida no 2019 como merecedora ao "Premio ao esforzo na ESO" pola Consellería de Educación; e polo de agora o mellor expediente de Ciclos Formativos en toda a historia da Laboral.
A outra alumna destacada é Érika Machado Dos Anjos, 6 anos na Laboral, que está a punto de rematar con moi boas cualificacións o Bacharelato de Humanidades.
Felicidades ás dúas, a Universidade Laboral séntese moi orgullosa de ter alumnas coma vós, e estamos moi de acordo co titular do Faro de Vigo, e permitímonos adaptalo un pouco máis: Na Laboral hai xitanas que derriban tópicos e brillan desde primaria ata a Universidade...
O noso IES está a participar esta semana no proxecto "Educar en Xustiza". Unha iniciativa do Tribunal Superior de Xustiza de Galicia (TSXG), que ten por finalidade achegar os órganos de xustiza á mocidade, e crear vocacións entre o alumnado.
Os nosos estudantes do bacharelato de Humanidades e CC. Sociais acudiron coma convidados a auténticos xuízos nos Xulgados de Ourense. Alí tiveron a oprtunidade de coñecer ao xuíz decano, e comprender mellor como funciona o sistema xudicial.
O departamento de Mantemento participou nun programa de mobilidades da FP DUAL que incluíu unha viaxe formativa a Burdeos (Francia) para todo o alumnado de 2º curso de FP dese departamento (Mecatrónica Industrial e Mantemento de Instalacións Térmicas e de Fluídos)
Visitaron diferentes cidades e realizaron actividades culturais, visitaron centros de FP en Baiona e Burdeos, o que lles permitiu coñecercer e interactuar nunha realidade diferente.
O alumnado de Proxecto Competencial, utilizando o origami, elaborou unhas bolboretas coas que adornou o centro. O propósito foi facer unha homenaxe as irmás Mirabal.
A elas se debe que o 25 de novembro sexa o día internacional para a eliminación da violencia contra as mulleres.
Este ano o noso IES participa no ProxectoTERRA. ProxectoTERRA é un proxecto do Colexio de Arquitectos de Galicia dirixido ás distintas etapas educativas co fin de contribuír a mellorar a formación que a poboación escolar galega debe ter sobre as xentes, os espazos e os lugares que habitamos. Trata de crear poboación crítica e propositiva sobre o noso medio construído para acadar unhas mellores condicións de vida para todas as persoas, atendendo á premisa do Dereito ao Hábitat.
Enmarcado neste proxecto, hoxe desenvolvemos unha Sementeira en 1º de ESO dirixida por Patricia G. Abraín, de Createctura, onde os nosos rapaces e rapazas desmontaron elementos tecnolóxicos obsoletos para deseñar e construir, dende a súa imaxinación, unha cidade de refugallos.
Podedes ver algunas das creación na galería de fotos.
O martes 21 de novembro alumnado da materia de Literatura Universal participou nas tertulias literarias de Allariz xunto con outros centros educativos da provincia. A xornada comezou pola mañá nun roteiro pola vila de Allariz da man de Ánxeles Álvarez e a propia autora Alba Guzmán. Pola tarde realizáronse as tertulias e a tradicional entrevista na radio de Allariz. Finalmente, os participantes puderon preguntar a autora todas as súas inquedanzas e conseguir o libro asinado.
O mércores 15 de novembro o alumnado de 4º de ESO C de Economía asistiu a unha actividade de "cata de aceite", organizada polo IES do Ribeiro e o Concello de Ourense. Foi no antigo edificio do Banco de España na rúa do paseo.
Nela aprendemos moitas curiosidades relacionadas con este alimento e as súas propiedades, as variedades galegas e de fóra. Puidemos realizar tamén unha actividade de cata de diferentes variedades...
Moitas gracias ao IES O Ribeiro, especialmente ao profesorado do departamento de Industrias alimentarias e ao alumnado do Ciclo Formativo de Grao Medio de Aceites de Oliva e Viños que traballaron para que todo saíra moi ben.
Moitas grazas a todos por participar e colaborar no concurso de cabazas e de historias espantosas. O traballo foi incrible! Sodes uns artistas!!
Durante toda a xornada do luns 13 de novembro celebramos no noso centro o Día da Ciencia. Un grupo diverso de alumnos/as , coa colaboración dos departamentos de bioloxía, tecnoloxía, matemáticas e mecatrónica, presentaron ao alumnado de cada clase de 1º e 2º da ESO unha serie de actividades e proxectos relacionados con diversos campos da ciencia.
Viron funcionar unha impresora 3D, insectos co microscopio, cálculo de probabilidades con grans de arroz, utilidades da papiroflexia, prototipos de futuras máquinas de reciclaxe, ilusións ópticas, cómo extraer auga dun pozo sen electricidade, cómo adiviñar números coñecendo as súas propiedades....
Unha estupenda xornada para aprender e divertirse gracias ás ciencias.
GALERÍA FOTOGRÁFICA dos diferentes postos e da actividade.
A aula de emprendemento organizou unha visita á empresa DaVeiga (galletas Mariñeira) en Chantada, onde os alumnos de 2° curso de Ciclos Formativos puideron coñecer o proceso de creación.
Tamén coñeceron a misión da empresa, plasmada na súa responsabilidade corporativa. Razóns que a convirten nun referente de economía social.
O noso IES solicitara como día o centro o 20 de maio de 2024, ao igual que moitos outros centros da cidade. Con posterioridade recibimos instruccións da CIUG que ese día tiña que ser lectivo por mor das probas de acceso á Universidade. Por tanto o luns 20 de maio de 2024 si que haberá clases (modificado xa o calendario escolar).
Temos polo tanto pendente de solicitar outro día, e que este sexa aprobado pola Xefatura Territorial de Educación. Informarase cando teñamos a información precisa.
Na ESO:
No Bacharelato:
Temos 18 anónimos e ningún membro en liña
